Dialuna mainta a drenta informe di cu lo tin un grupo di persona ta maltratando un persona banda di school na Hato, mesora a dirigi patruyanan na e sitio. Na caminda pa e sitio polis a compronde cu alrededor di un 5 persona a maltrata un otro cu bate. Na altura di Aventura Snack polisnan a encontra un persona herida cu a bisa cu nan como 5 persona a bini den un auto y a maltrate cu un bate polis a nota cu e ta herida y mester atencion medico y a solicita presencia di ambulans. Polis mientrastanto a nota algun hende core bay for di e sitio algun den un auto y otronan na pia. Polis a ricibi detayenan di color, e marca, modelo y number di auto. Na altura di Caya Maguey polisnan buscando ronda topa cu un grupo y a papia cu nan, Na Sisalstraat tambe a topa cu un hoben cu paña kibra mientras na Pitastraat a topa cu un otro hoben. Ademas na Pitastraat polis a topa otro hoben bisando cu nan lo a maltrate cu un biga. Como cu e tabata keha di dolor polis a pidi un ambulans pa e victima ey tambe. Polis a tuma tur nan nombernan direccion y contaco pa mas investigacion.