Dialuna atardi a drenta informe di cu tin un tanki gas a explota y ta na candela na un adres na Sabana Liber, mesora a dirigi tanto polis como bombero na e sitio. Na yegada di e unidad di e brigada motorisa mesora a purba domina e candela cu tabata tin na un gas grill cu tabata leak y tabata na candela pero esaki no tabata posibel cu un slang di cas. Na yegada di bombero mesora a pone awa cu presion riba e candela a logra domina e candela y bomberonan a purba sera e valve pero como esaki tabata ful kima nan no a logra y a laga tur e gas sali pero sin candela. Afortunadamente ningun hende a resulta lesiona.