Diabierna anochi a drenta informe via Centro di Alarma cu un persona a caba di wordo atraca y corta na Pos Chikito, mesora a dirigi tanto polis como ambulans na e sitio. Na yegada di e patruya a bin constata cu e victima ta basta herida y tin un corta bao di su lip y a pidi pa ambulans bini cu mas urgencia. Ademas a solicita presencia di e investigadornan technico y forensyco na e sitio. Eynan a bin descubri cu aki no ta trata di un atraco sino di un caso di maltrato cu arma. Na yegada di e ambulans nan a atende cu e victima polis a avisa recherche pa sigui cu e caso aki.