Dialuna mainta a drenta informe di un accidente cu hende herida dilanti e pompstation na Paradera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda e Honda Fit biniendo for di pariba a core pura bira dilanti e Nissan Note cu tabata bini di pabao. Debi na e impacto e Honda Fit a bira 180 grado y ambos chauffeur a resulta herida. Na yegada di e ambulans nan a atende ambos chauffeur femenino cu a resulta herida.