Polis a detene marinier cu durante pelea a manda botter herida dama turista seriamente na su cara.Despues di mey anochi a drenta informe di un caso di un pelea cu maltrato na un Club na e hotzone banda di e highrise hotelnan, mesora a dirigi tanto polis como ambulans na e sitio. Na yegada di e patruya na e sitio a bin compronde cu aki ta trata di un problema cual a cuminsa durante un pelea unda un marinier a manda un botter y esaki a bay dal den cara di un turista femenino y security a bay interveni y e situacion a escala. Na yegada di e patruya a detene algun persona y a bay cu nan na warda di polis, mientras na yegada di e ambulans nan a atende e dama turista cual tabata sangrando profusamente na su cara y a transporte pa hospital.