Diabierna mainta a drenta informe di un caso di hogamento y a manda polis cu ambulans na e pier di Palm Island. Na yegada di polis ya caba e personal di ambulans tabata tratamdo di re-anima e dama turista di edad cual lo a guli basta awa di lama durante un tour di snorkelmento na Pos Chikito. Un boto a trese tanto e dama y e casa na e pier pa e dama ricibi atencion medico mientras riba e boto mes tabata tratando pa re-anima e dama y na yegada di e ambulans na e pier a sigui suministra C.P.R. Despues di basta rato y varios intento no a keda nada otro cu declara cu e dama a fayece. Tanto dokter como tambe slachtoffer hulp a presenta na e sitio. Na famianan di e fayecido ta bay nos mas sincero palabranan di condolencia.