Diabierna anochi a drenta informe di un accidente cu hende herida panort di oficina di S.E.P.P.A. na Hato, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Chevrolet Epica a subi e crusada sin a duna preferencia na un brommer cu pasahero. Debi na e impacto e brommer a kentel y como e motociclista na wiel a sa di bula na tempo a scapa di haya mal sla pero e damita pasahero no tabata tin suerte y a resulta herida. E dama chauffeur di e Epica tambe tabata sinti dolor na su pecho. Na yegada di e ambulans nan a atende e victimanan.