Diadomingo mainta a drenta informe di un candela na e edificio bandona dilanti ex-Beatrix school, mesora a dirigi tanto polis como bombero na e sitio. Na yegada di e patruya a nota cu aki ta trata di un maleta y otro cosnan cu a ser poni den e veranda di e edificio y cu intencionalmente a ser pega na candela pa un adicto ambulante. Na yegada di bombero mesora a combati e candela y a logra paga esaki mesora. Polis a busca den e area pa e adicto cu lo a sende e candela pero no a encontra cun’e.