![](https://www.awe24.com/wp-content/uploads/2023/02/F8E6D7A8-53AE-4B6F-B4CA-3B8A01815A8A-668x334.jpeg?v=1676993186)
Diadomingo atardi a drenta informe di un accidente cu hende herida na Sero Janchi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un van blanco cu un porta color scur lo a pasa dal un peaton y a sigui core bay manera nada no a pasa y tuma direccion Tanki Leendert. Na yegada di e ambulans nan a atende e victima y a transporte pa hospital. Polis di trafico ta buscando grabacion di camaranan di seguridad den e area pa asina logra topa cu e van aki.