Diamars mainta a drenta informe di un accidente cu hende herida na e crusada A. Lacle blvd y L.G. Smith blvd, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un ciclista biniendo for di A. Lacle blvd a subi e crusada pa bay pariba pero e no a duna preferencia na e brommer bahando for di pariba y nan a dal den otro ambos victima a dal abao y resulta herida un mas cu e otro. Na yegada di e prome ambulans nan a atende e ciclista mientras na yegada di e otro ambulans nan a atende e motociclista. Como cu e brommer no tabata tin ningun papel na ordo polis a confisca esaki. Ambos victima a ser hiba pa hospital.