Diaranzon madruga a drenta informe di un accidente na Cura Cabay, mesora a dirigi un patruya na e sitio. Na yegada di e patruya a bin compronde cu aki ta trata un accidente hit & run unda cu e dama chauffeur di e auto cu a ocasiona e accidente a caba di sigui core bay. Riba caminda a keda un mancha di azeta y por a sigui e ruta te ora a yega na un cas na Mabon unda den e cura di e cas a mira cu e vehiculo tin e sla fresco y cu ta concorda cu esun di e palo di lus. Polis a pidi un takelwagen y a confisca e vehiculo.