Diadomingo madruga a drenta informe di un caso di ladronicia riba un auto staciona den e parkinglot dilanti ex-Galeria Moderna, mesora a dirigi un patruya na e sitio. Na yegada di e patruya a bin compronde cu e ladron a kibra e bentana chikito di pasahero patras di un Nissan March, color blauw, cu number A-73440 staciona eynan, net dilanti e neishi di adictonan cu ta uza y bende droga eydilanti mes. E señora a bisa Polisnan cu el a parkeer su auto eytras pa bay canta den Renaissance Resort Aruba. Pero ora cu el a caba di traha y a yega na su auto, el a topa cu e daño inespera cometi na su vehiculo. Locual e tabatin den su auto tabata un par di sapato, desodorante y algun cos personal, cu awor ta den man di e ladronnan.
