Parlamento di Corsou ta anfitrion di Reunion Interparlamentario di Reino, IPKO, cu ta tuma luga 28 di februari pa 3 di maart 2023.

Durante IPKO, e delegacionnan di Parlamentonan di Corsou, Hulanda, Aruba y Sint Maarten ta reuni cu otro y intercambia informacion y puntonan di bista riba varios topico cu ta concerni e diferente paisnan den Reino.
Pa cada reunion Interparlamentario di Reino ta determina adelanta e temanan cu lo trata durante e reunionnan. Pa e IPKO aki a pone entre otro e siguiente topiconan riba
agenda:
• e alohamento di e fluho di migrantenan den Reino;
• e deficit democratico;
• relacionnan duradero den Reino;
• reformanan entre cua e paketenan di Pais (Landspaketten) y
• pasado di sclavitud y colonialismo.
Alabes e delegacionnan lo haci un bishita di trabou na varios sitio relaciona cu e historia di sclavitud y colonialismo.
Un dia prome cu apertura di IPKO, e delegacionnan di Aruba, Corsou y Sint Maarten a reuni den un asina yama Tripartit, caminda a trata temanan cu ta toca e islanan aki so y tambe ta haci cierto preparacion pa IPKO.
Na final di IPKO, lo presenta un Lista di Palabracionnan cu tur delegacion ta bay di acuerdo cune.
E delegacion Arubiano ta consisti di:
Señor mr. Edgard. G.A. Vrolijk, Presidente di Parlamento en lider di delegacion Señora Shailiny M. Tromp-Lee, Voorzitter CKABB (M.E.P.)
Señor Roderick A. Hoek (M.E.P.)
Señora Louisette J. Christiaans-Yarzagaray (M.E.P.)
Señor Hendrik W.G. Tevreden (M.E.P.)
Señora Raymicheline M.J. Raymond (RAIZ)
Señora Gerlien L. Croes (A.V.P.)
Señor Ryçond R. Santos do Nascimento (A.V.P.)
Señora Mervin G. Wyatt-Ras (A.V.P.)
Señora Marisol J. Lopez-Tromp (MAS)
Señor Miguel J. Mansur (ACCION21)
Señor Herman C.J. Hek (Griffier der Staten van Aruba)

Share:

Leave a Reply

Your email address will not be published. Required fields are marked *