Diaranson merdia a drenta informe di un accidente cu hende herida na Ponton, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di Hyundai Accent a sali for di Catalina Residences a bay subi caminda pero no a duna preferencia na e Toyota Vitz bayendo zuid y a dal riba riba dje. Debi na e impacto e dama chauffeur di e Vitz a resulta herida. Na yegada di e ambulans nan a atende e victima na e sitio mes.