Diasabra mainta tempran a drenta informe di un accidente na Casibari, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un Ford Pick-up F150  color blanco y number conosi na polis bayendo direccion pariba a bay na man robes baha caminda dal palo di lus y borchi trafico kibra djey sigui core bay for di e sitio. Pa suerte bisiñanan a logra wak e vehiculo y e number y nan a duna esaki na polis. Esaki a causa cu e casnan den cercania a perde nan coriente, mientras cu chispanan di candela tabata spart riba caminda entre e wayanan kibra. Sea e chauffeur lo bay entrega su mes na warda di polis di trafico sino dialuna nan lo pasa busk’e cu posibilidad di detene y confisca su vehiculo.