Diasabra anochi a drenta informe di un accidente cu hende herida entre un auto y un brommer dilanti Candela Snack na Ponton, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Hyundai Accent biniendo di zuid a bay bira na man robes pa bay na Candela Snack pero no a duna e motociclista di direccion contrario siguiendo straight y nan a dal frontal e motociclista a keda bastante herida y tabata sangra profusamente. Na yegada di e ambulans nan a atende e victima y a transporte pa hospital. Mirando e gravedad polis a pidi pa e investigadornan tecnico y forensyco presenta na e sitio y documenta e evidencianan di e causa di e accidente aki. Diasabra despues di mey anochi di diabierna a sosode un accidente similar djies un poco mas pazuid y tambe auto cu brommer unda e auto a bira dilanti e brommer.