Diadomingo atardi a drenta informe di cu tin 2 muher burachi na Rodgers Beach y cu nan no ta apto pa core auto, mesora a dirigi un patruya na e sitio. Na yegada di e patruya a bin compronde for di testigonan cu aki ta trata di 2 muher cu ta asina burachi cu nan a bay leu den lama y den profundidad cu casi no por a bolbe nan di mes ademas cu nan tabata asina burachi cu nan kier a subi un pickup Isuzu blanco pa core bay. Polis di buena fe a puntra e 2 muhernan unda nan ta bay of nan adres pa polis mes hiba nan unda nan mester bay. Pero ambos dama a nenga di contesta ni identifica nan no kier a identifica nan mes. No a keda nada otro cu polis detene ambos pa buracheria riba caminda publico. Locual a asombra e polisnan na e sitio ta cu ora tabata hibando e damanan den e vehiculo di transporte e cacho cu tabata den e pickup di e damanan tambe a core subi den e vehiculo di transporte. Nan tur a ser hiba warda di polis na Sanicolas.