Diadomingo atardi laat a drenta informe di un accidente cu hende herida na Verano, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e dama chauffeur bao influencia yegando e crusada a perde control bira 180 grado bay dal un B.M.W. staciona banda di caminda bolbe bira 180 grado dal un otro auto. Debi na e impacto tanto e dama chauffeur como e ocupante a resulta herida. Na yegada di e ambulans nan a atende ambos victima na e sitio mes. Como cu e dama chauffeur cu a ocasiona e accidente tabata bao influencia polis a detene.