Diamars anochi a drenta informe di cu tin un cas na candela na Sabana Liber, mesora a dirigi tanto polis como bombero na e sitio. Na caminda pa e sitio a drenta otro informe di cu e candela lo ta na un adres na Sero Janchi y a desvia e unidadnan pa eynan. Na yegada di e patruya a topa e dak di e cas na candela y no tin ningun hende na e cas. Na yegada di e 2 unidadnan di bombero mesora a inicia cu un combate. Despues di un bataya fuerte bomberonan a logra domina y paga e candela. Slachtofferhulp tambe a presenta na e sitio pa asina asisti e habitante di e cas.