Diadomingo anochi a drenta informe di un accidente na e rotonde Noord, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un chauffeur a pasa completamente door di e rotonde rancando borchi, mata y a purba sigui core bay pero cu su tirenan destrui y mata bao di e auto e no a logra yega leu. Ora polis a bay test e chauffeur esaki a surpasa e limite permiti y polis a detene pa core auto bao influencia y causa accidente.