ROCCO TJON: A enfoca riba e balor agrega di reunionnan Interparlamentario durante discurso na IPKO


Durante apertura di reunionnan Interparlamentario, comopresidente di e comishon fiho di asuntonan di Reino di Parlamento di Aruba, sr. Tjon den su discurso a cuminsa pa bisacu e lo bay enfoca riba detayes pa loke ta practicanan di bon gobernacion, situacion di Venezuela y finanzas publico. Esaki mirando cu apesar cu e maneho di Gabinete Wever-Croes a resulta den cifra y hechonan positivo, hopi bes ta uza detayes pabagatalisa esaki y sr. Tjon ta haye necesario pa pone esaki den perspectiva.

PRACTICANAN DI BON GOBERNACION

Den su discurso sr. Tjon a trece pa dilanti cu Prome Minister sra.Evelyn Wever-Croes a instala un comishon pa fortifica nosestado di derecho. Y e comishon aki a traha dos producto di ley, cual posiblemente lo wordo trata e aña aki. Ta trata aki di un concepto di ley cual lo cambia nos constitucion pa asina ankra e garantia pa nos por tin finanzas publico y tambe reglamenta e Instituto “Ombudsman”.

Por ultimo sr.Tjon a conclui riba e topico aki cu Gobierno di Aruba hunto cu Banco Central di Aruba a traha riba un conceptodi ley pa modernisa e “Corporate Governance Code” y cu formalisacion di e ley aki ta den proceso. Esaki ta sumamenteimportante pa garantiza transparencia den tur institutonan y fundacionnan.

VENEZUELA

A splica cu e impacto di Venezuela riba e situacion financiero di Aruba ta grandi. Cu e tin su impacto tambe riba nos salubridadpublico, enseñansa, mercado di labor y sector socia. Y p’eseyGabinete Wever-Croes a introduci diferente instrumento y maneho pa mitiga mas tanto posibel e riesgonan aki. E medidanan aki ta varia di a apunta 2 team pa entrevista y atendecu e peticionnan di asilo, actualisa legislacion, fortifica control na frontera y implementa e “schipholmodel” cual ta percura pa un proceso optimal pa procesa peticionnan di asilo.

Por ultimo a enfoca riba e hecho cu Aruba dentro di poco lo introduci un A-ESTA y un “Advanced Passenger Information System” pa asina prome cu personanan biaha pa Aruba tur informacion ta disponibel y un decision por wordo tuma si e persona por biaha bin Aruba. Esaki sigur lo percura pa hisaseguridad y esaki ta un medida en espera di introducion di un Visum pa Venezolanonan na 2020. Tambe sr. Tjon a splica cu tur esaki ta sosode dentro di e margin financiero manera palabra cu Hulanda. Y cu apesar di esaki a logra transforma un deficit di 444 miyon florin na 2014, bou Mike Eman, te na solamente 4 miyon florin na 2019 bou liderazgo di sra. Evelyn Wever-Croes.

FINANZAS PUBLICO

2019 tawata e prome aña cu por completo a traha segun e “Beleidsplan Verlaging Personeelskosten”. Y e metanan stipulatawata pa baha gasto di personal, baha e cantidad di persona cu ta wordo emplea pa Gobierno y baha e cantidad di “Non-actieven”. Pa loke ta gasto di personal a mustra cu a baha esakisegun e normanan stipula y cu 2019 tawata e aña cu menospersona a wordo emplea pa Gobierno. Di otro banda e cantidaddi personanan cu ta riba “non-actief” ta esun mas abou den hopiaña.

Pa hisa eficiencia di r aparato gubernamental gobierno lo invertiintensivamente na 2020 den E-Government. Meta di esaki ta pa mehora servicio cu ta wordo brinda y na mes momento esaki lo percura pa sigui baha gasto di e aparato gubernamental. E proyecto aki ta wordo ehecuta den colaboracion cu expertonandi Estonia, manera sr. Tjon a splica, y e anja aki lo presenta e “E-government roadmap 2020-2030”.

PA CONCLUI

Na final sr. Tjon a splica cu Parlamento di Aruba a instala un comishon fiho pa explora y intensiva colaboracion cu Mercariba nivel di Parlamento. Asina por explora posibilidadnan ribatereno economico, seguridad, enseñansa y salubridad. Esaki obviamente na bienestar di e ciudadanonan.

A trece un punto critico tambe pa dilanti, cu despues di e maneracon e “geschillenregeling” a termina, tin hopi critica di particomunidad si en berdad e plataforma di IPKO tin un baloragrega. Segun sr. Tjon, como representante di pueblo esakimester ta un señal cla y mester yega na palabracionnan concretocu ta di balor agrega. Mantene na e palabracion haci pa asinarestaura e confianza den e reunionnan Interparlamentario.

Share:

Leave a Reply

Your email address will not be published.