Diamars mainta a drenta informe di un accidente cu hende herida na Kamerlingh Onnesstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un chauffeur coriendo cu un Nissan Sentra bieuw sin number y sin documento no a duna preferencia a causa un accidente cu un Mercedes Benz nobis nobis causando hopi daño y tambe cu un dama herida den e Mercedes Benz. E chauffeur irresponsabel aki a cana bay zuid cu un dama acompaña bandonando e sitio di accidente. Na yegada di e ambulans nan a atende e dama pasahero cu a ricibi sla na su cabes y despues di un revision a haya cu lo ta mihor hib’e hospital pa un revision mas extenso. Polis a confisca e Nissan Sentra aki.