Diabierna anochi a drenta informe di un accidente cu hende herida na Tanki Leendert. Mesora a dirigi tanto polis como ambulans na e sitio. Na yegada di e patruya a bin compronde cu un Hyundai Verna blanco a dal tras di un Toyota Yaris Blanco. Dor di e impacto e Toyota Yaris a dal tras di un Nissan Tiida shinishi. Mientras e Hyundai Verna mes a sigui bai dal den palo di luz. E chauffeur y occupante di e Toyota Yaris a resulta herida. Na yegada di e ambulans nan a atende ambos victima.