![](https://www.awe24.com/wp-content/uploads/2023/04/DBCE7DF2-B404-4DF5-88B1-279BFBDE384A-668x334.jpeg?v=1680375037)
Diabierna anochi a drenta informe di un accidente na Rooi Koochi, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un chauffeur a perde control y a bolter cu su pick-up. Afortunadamente ningun hende a resulta herida. Polis a nota cu e chauffeur ta bao influencia y ora di test a bin resulta cu e chauffeur a surpasa e limite permiti. Polis a detene e chauffeur y a bay warda cun’e.