Diabierna madruga a drenta informe di un accidente basta fuerte cu varios hende herida na e rotonde Bakval, mesora a dirigi tanto polis, ambulans como tambe bombero na e sitio. Na yegada di e patruya a bin compronde cu aki ta trata di un chauffeur turista habla hispano cu no conose e caminda y biniendo cu velocidad halto y ora a mira rotonde dilanti dje a purba desvia pero asina mes a impacta fuertemente riba e rotonde. Debi na e fuerte impacto tur 6 persona a resulta herida. Na yegada di 3 ambulans nan a atende e 3nan mas serio y hiba nan hospital, despues 2 di e ambulansnan a regresa pa hiba otro 2 victima mas. Un di e victimanan no kier a bay hospital y a prefera keda na e sitio. E unidad di bombero a yuda lanta e victimanan pa asina nan a ser transporta pa hospital.