Dialuna atardi a drenta informe di un accidente basta fuerte na Rooi Santo, mesora a dirigi tanto polis como tambe 2 ambulans na e sitio. Na yegada di e patruya a bin compronde cu e chauffeur di e Nissan Versa bayendo nort a bay pasa un bus pero net un Chevrolet Pick-up tabata bini di direccion contrario. E chauffeur di e pick-up a nota e maniobra ey y a purba kita y hasta a baha caminda pa evita e impacto pero asina mes nan a dal otro frontalmente. Ambos chauffeur a resulata levemente herida y a ser atendi na e sitio di accidente mes. Takelwagen mester a kita ambos vehiculo for di caminda.