Diabierna anochi a drenta informe di cu un auto a pasa dal un otro auto banda di ex-KFC den Hendrikstraat y a sigui core bay, mesora a dirigi un patruya na e sitio. Na yegada di e patruya a bin compronde cu e auto aki a bay para un poco mas panort. Polis a bay atende e chauffeur cual su auto ta den Drive y e mes na soño. Polis a lante y a nota cu e chauffeur tabata bastante bao influencia y a detene pa a core auto bao influencia causa accidente y sigui core bay. Polis di trafico a bini na sitio y atende cu e datos di accidente. Amistadnan cu a sali for di un bar cercano a convense polis pa laganan cu e amigo su auto. Por a nota cu tur e amigonan aki tabata mustra bao influencia y tabata menasa nos colaborador. Asina mes toch polis a laga e amigonan burachi cu e yabi di auto pa asina evita yama takelwagen pa confisca esaki.