Diasabra mainta a drenta informe di un accidente dilanti di Mc. Donald’s na Palm Beach, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un chauffeur venezolano ilegal y burachi coriendo cu un Nissan Sentra sin ningun documento na ordo a tuma e birada na salida di e rotonde Palm Beach y a subi e median y keda pega eynan. Polis a detene mesora pa tur e infraccionnan y a confisca e vehiculo sin documento na ordo.