Diasabra mainta a drenta informe di un caso di kiebro y ladronicia for di un auto na Top Drive Car Rental na Wayaca, mesora a dirigi un patruya na e sitio. Na yegada di e patruya a bin compronde cu ladronnan supuestamente astuto a pone un mop dilanti un camara di seguridad pa asina evita di ser descubri y asina cu un hanger dobla rek e haak di lock di e hood pa habri esaki y saca horta e bateria y e computer di e auto Hyundai Accent V825. Pero tabata tin mas camara y camara di otro negoshinan cerca cu a logra capta esaki. Polis a pasa e investigacion pa e team auto diefstallen cu lo recoge e grabacionnan pa asina pone man riba e ladronnan.