Diadomingo mainta a drenta informe di un accidente cu hende herida y pega den auto como tambe un vehiculo policial envolvi na Bubali, mesora a dirigi tanto polis ambulans y e equipo di rescate di bombero na e sitio. Na yegada di e patruya a bin compronde cu nan coleganan tabata bayendo direccion pariba y un Hyundai i10 a sali nan dilanti, e chauffeur di e patruya a purba desvia pero e impacto tabata inevitable. Na yegada di e equipo di rescate a yuda saca e victimanan y cu ayudo pa pone nan den e 2 ambulansnan cu a presenta y a hiba e victimanan pa hospital.