Diahuebs merdia a drenta informe di cu a bin haya un hende sin bida na un adres na Driemasterstraat, mesora a dirigi patruyanan na e sitio. Na yegada di e patruyanan a bin compronde cu aki ta trata di un caso unda cu un yiu cu a biaha bay afo na comienso di luna y na su regreso ela bin haya su tata (kende ta biba su so) sin bida y den un estado di descomposicion mitar riba cama. E ultimo biaha cu su yiu a wak e na bida tabata dia 6 prome cu ela biaha. Mesora a avisa tur autoridadnan competente pa presenta. Tanto dokter, patologo anatomo, slachtofferhulp, como e investigadornan technico y forensyco di polis. A investiga si acaso lo ta trata aki di un of otro caso di crimen pero esaki no tabata e caso. Ta trata aki di e ex-politico masha conosi na Playa Pabao Alicio Quandt naci na Aruba 15 di augustus 1938 y tabata biba su so na Driemasterstraat. E famianan a ser avisa y a presenta na e sitio. Na final a haci tur e tramitenan pa haci cremacion mesora y pa asina entrega e famia su shinishinan en espera di un otro yiu den exterior pa asina tuma despedida di su restonan. Na famia di e difunto nos ta extende nos mas sincero palabranan di condolencia.