ORANJESTAD – Diabierna 21 di april, Lotto, e loteria di Aruba, ta contento di por anuncia un integrante nobo “Bingo”den e famia di Instacash cu lo duna bo e oportunidad pa gana placa cash al instante!

 

Abo ta cla pa gana placa instantaneamente y no mester warda pa nan canta e numbernan? Desde dialuna awo, 24 di april Lotto lo trece un adicion mas na e famia di Instacash cu ta yama Bingo.

 

E wega di Bingo ta costa solamente 3 florin cu lo tin diferente premio cash y bo por gana te cu Afl. 6.000,-!

 

Con pa hunga?

Bishita bo rebendedo di Lotto preferi y pidi pa bo Bingo di Instacash desde dialuna awo. Si e patronchi di Bingo cu bo a marca ta match cu un di e e patronchinan ganado ariba e ticket, bo ta gana e premio indica ariba di e patronchi cu bo a match.

 

Busca bo weganan di Instacash manera 5X The Cash, 10X The Cash, 20X The Cash, Bingo y gana placa al instante!

 

Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y Instacash. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.