Diabierna atardi a drenta informe di un accidente cu hende herida riba e brug bieuw na Balashi, mesora a dirigi tanto polis como ambulans na e sitio. Na yegada di e patruya a bin compronde cu akibta trata di un accidente unda e dama chauffeur di e Suzuki Ignis biniendo di pabao a slip riba e caminda muha bay dal e muraya di e brug bay na man robes dal e Fiat di direccion contrario djey un Ford Escape tras di e Suzuki a brake pero asina mes a slip bay dal tras di e Ignis. Debi na e impactonan e dama chauffeur di e Ignis a resulta herida. Na yegada di e ambulans nan a atende e victima y a transporte pa hospital.