Diasabra anochi a drenta informe di cu un yiu a bin encontra su tata sin bida benta abao den baño, mesora a dirigi tanto polis como ambulans na e sitio. Na yegada di e patruya a bin compronde cu un bisiña a yama e yiu na telefom ya cu e a mira e ora ta laat y ainda e porta di cas ta habri, mesora e yiu a sali bay na e cas y a bin haya su tata den baño abao benta. Na yegada di e ambulans a constata cu e victima no tabata duna señal di bida mas y a pidi pa un dokter presenta. Na yegada di e dokter no a keda nada otro cu constata morto di Cecilio A. Boekhoudt naci na Aruba 1 di february na aña 1931 kende tabata un pashent di sucu y lo a slip den baño dal abao y a dal su cabes. Na famia di e fayecido nos ta exende nos mas sincero palabranan di condolencia.