Diaranson mainta a drenta informe di un accidente cu hende herida dilanti di Watergate na De La Sallestraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un pickup truck y un brommer unda e pickup truck a bay bira na su man robes net pra cu e brommer tabata bay pas’e. E motociclista a bay dal na e parti patras di e pickup truck. Debi na e impacto e motociclista a cay cu e brommer y a resulta herida. Na yegada di e ambulans nan a atende e motociclista na e sitio mes.