Diahuebs marduga a drenta informe di un accidente cu hende herida na e crusada di Oranjestraat cu L. G. Smith Boulevard, mesora a dirigi tanto polis como ambulans pa e sitio. Na yegada di patruya na e sitio a bin compronde cu aki dama chauffeur di un Swift biniendo for di Oranjestraat a tuma un birada bay pabao mucho hancho unda aki un Hyundai tabata sortea pa bira. E chauffeur di e Hyundai a pubra brake pero no a logra para. E impacto tabata fuerte y a causa hopi danjo material. E dama chauffeur di e Swift a keda herida debi na e accidente. Ambulans a yega na e sitio y a atende y transporta e dama herida pa hospital. Polis di trafico tambe a bini na e sitio pa tuma datos di e accidente aki pa investigashon.