Diabierna merdia a drenta informe di cu tin un candela grandisimo den cura di Fantastic Gardens, mesora a dirigi tanto polis como bombero na e sitio. Na yegada di e patruya a bin compronde cu aki ta trata di un candela hopi grandi y produciendo hopi huma causando molester te banda di hospital y beach na Eagle. Na yegada di 2 unidadnan di bombero a inicia cu un combate fuertisimo pero como cu aki ta trata di entre otro un sero di ramanan di mata y palonan di palet ta tuma mas tempo pa combati e candela. Polis mester a sera e caminda pa asina bomberonan por a para nan trucknan riba caminda pa yega mas cerca di e candela. Nos lo sigui informa….