Dialuna atardi a drenta informe di un accidente na Sombre, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e dama chauffeur di e Hyundai bayendo pabao bahando no a ripara un pick-up su dilanti tras di e bahada y a bay dal fuertemente tras di esaki. Debi na e impacto e pickup a bira 90 grado y a bay para banda di caminda mientras e Hyundai a bay para otro banda di caminda. Polis a kere cu e dama chauffeur di e Hyundai tabata burachi ora a test e a bin resulta cu e dama no tabata tin nada di alcohol den su curpa, mientra e chauffeur di e pick-up no por a mustra cu e tin rijbewijs. Afortunadamente ningun hende a resulta herida.