ORANJESTAD: Fin di siman pasa, en conexion cu Dia di Rey, a realisa competencia di hisamento di fli mas grandi pa aña 2023. Tres dia di competencia organisa pa Extreme Next Level Kite Flyers di Aruba y Curaçao. E participantenan a competi den diferente categoria. Minister Endy Croes a bishita Pepsi Field na San Nicolas pa presencia e evento aki. Un evento bon atendi, yena cu ambiente y creatividad.
Minister Endy Croes ta felicita organisadonan Sr. Chavier Martina y Sr. Edsel Calister, como tambe tur patrocinado y boluntario cu a haci e evento aki uno sumamente exitoso. Palabra di pabien na tur participante y specialmente e ganadonan.