Diasabra madruga a drenta informe di un accidente cu hende herida na e crusada di Shaba pa bay Bubali, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un chauffeur di edad den un Kia Sportage a bay subi caminda pero no a mira e brommer y esaki a bin dal riba dje. E impacto tabata fuerte y e motociclista a resulta herida. Na yegada di e ambulans nan a atende e victima y a transporte pa hospital pa su lessionnan na brasa robes y su cara.