Dialuna atardi a drenta informe di un accidente dilanti C.M.B. na Santa Cruz, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un auto a sali dilanti e scooter y e scooter a bin dal riba dje. Segun e dama chauffeur di e auto e motociclista tabata keha di dolor na su man pero ela dicidi core bay cas busca e papelnan pero e no a regresa. Polis a tuma tur dato di e auto pero como cu e motociclista no a bini e caso aki a keda sera.