Diamars atardi a drenta informe di un pelea di pareha formal dilanti porta di Santana na Sabana Basora, mesora a dirigi patruyanan pa e sitio. Na yegada di e patruya a bin compronde cu aki ta trata di un pareha turista cual tabata dilanti e Santana na Sabana Basora y a start un discucion sigui pa un pelea unda pone e auto accidenta y cosnan a bay completamente for di man unda hasta sanger a sali. Polis mesora a separa nan for di otro y a detene e homber mientras a yama e compania di auto pa bin busca su auto cu a ricibi daño y a keda pega. E vehiculo di transporte a hiba e homber pa warda di polis.