Diaranson mainta a drenta informe di un incidente den cura di ex-BGD na e hospital bieuw, mesora a dirigi tanto polis como ambulans na e sitio. Na yegada di e patruya a bin encontra cu e victima benta abao y herida ta keha di hopi dolor. Pero e tabata na tino y a conta polis tur loke a sosode. Ela conta cu e tabata cortando un rama grandi y den e proceso e rama a kraak kibra diripiente y a dal e trapi di 12 pia di altura benta trapi cun’e y e chainsaw abao cual a dun’e varios lesion. Na yegada di e ambulans nan a atende y a transporte pa hospital.