Diahuebs mainta a drenta drenta informe di cu tin un hende colga den yen di waya na un tower lora y cu lo a bira malo na halto, mesora a dirigi tanto polis como ambulans na e sitio. Na yegada di e patruya a bin compronde cu e homber ya a ser baha y nan ta bezig cu CPR ya cu e no tabata reacciona, na yegada di e ambulans a sigui cu e reanimacion pero sin resultado. Polis a avisa tur autoridad competente pa presenta na e sitio mientras a stop cu CPR ya cu no por a haci nada mas pa e victima y a pidi un dokter na e sitio. Na yegada di e dokter a constata morto di Bernhard Bünner un radio amateur aleman di 59 aña.
E weekend aki tabata di cambia tur e towernan pa otro siman e contest mes tuma lugar, e cuerpo di radio amateur di Aruba y tambe rond mundo ta di luto pa motibo di a perde un gran aficionado cu ta reconosi mundialmente pa su participacion den diferente contest y casi tur biaha ta bini Aruba pa participa. DL6RAI Silent Key!