Dialuna mainta un patruya di e brigada motorisa a bin topa cu un accidente cu a sosode pariba di rotonde Bushiri riba E. J. “Watty” Boulevard. A nota cu e chauffeur ta herida y e trafico tabata stagna. A pidi ambulans na e sitio pa atende cu e victima. Locual a sosode cu e chauffeur di e Mitsubishi Lancer a bai na man robez, dal y subi e median, bai cay otro banda di caminda. Na yegada di e ambulans nan a atende e victima y a transporte pa hospital. E trafico a keda pega pa basta rato.