Diamars mainta tempran a drenta informe di un situacion den lama dilanti Amsterdam Manor na Eagle Beach, mesora a dirigi un patruya na e sitio. Na yegada di e patruya a bin compronde cu aki ta trata di un tortuga cu lo a keda pega den e cabuya di e boeinan di “zwemzone”. Polis a pidi presencia di “tortuga Aruba” como tambe maritieme politie. Manera cu e hendenan di tortuga Aruba a yega nan a drenta lama y a corta e cabuya pa libera e tortuga cual lo a pega den e cabuya na momento cu e tabata drentando beach pa pone su webonan. Aki por mira e video di e rescate aki.