Diamars anochi a drenta informe di un caso di destruccion na Lucianitastraat, mesora a dirigi un patruya na e sitio. Na yegada di e patruya a bin compronde cu aki ta trata di un caso di destruccion unda e chauffeur pasando den Belgiëstraat banda di Banban Cafe a sinti algo dal basta duro riba su auto y a dicidi para un poco mas pariba y a ripara e daño causa pa un obheto. Ta varios biaha automobilistanan ta bira victima di vandalismo door di cu antisocialnan ta tira obhetonan riba vehiculonan hincando e chauffeurnan den debe y hasta peliger. Polis a tuma e keho y a keda di patruya mas den e areanan aki.