Diasabra merdia a drenta informe di cu tin un boto biniendo aden na Fisherman’s Hut cu un persona herida pa mordi di un pisca, mesora a dirigi tanto polis como ambulans na e sitio. Como cu e herida tabata sangrando masha hopi a dirigi e ambulans cu mas urgencia. E ambulans a yega prome cu e boto y tabata sperando e victima. Ora e boto a yega ambulans a tuma e victima over cual a ser mordi pa un pisca cu nan a captura y una bes den e boto e pisca tabata bati te cu na cierto momento e pisca a dal un mordi na e piscado su pia. E personal di ambulans a wanta e sangramento y a transporta e victima pa hospital.