Diadomingo madruga a drenta informe di un accidente hopi serio riba Sasakiweg, mesora a dirigi tanto polis como ambulans na e sitio. Na yegada di e patruya a bim encontra cu un Nissan March pega na un mata memey di e vianan y e chauffeur pafor di e auto cu algun persona tratando di re-anima e chauffeur mal herida cu no tabata reacciona, polis a pidi pa e ambulans cu mas urgencia. Na yegada di e ambulans a pone e victima na machine y a purba re-animacion pero sin resultado y a pidi presencia di dokter. Aki polis a pidi pa tur autoridad competente presenta na e sitio. Pues dokter, fiscal, polis di trafico departamento tecnico forensyco di polis, slachtofferhulp y funeraria. Na famianan di e fayecido nos kier a extende nos mas sincero palabranan di condolencia. Nos lo sigui informa…..