Diadomingo mainta a drenta informe di un accidente basta serio dilanti Wintergarden Supermarket na Savaneta, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente frontal entre un Kia Rio y un truck di BSL Laundry unda e Kia Rio bayendo pariba a bay na su man robes y a bay dal frontal riba e truck. E impacto tabata basta fuerte unda e chauffeur di e Kia Rio a resulta seriamente herida y polis a pidi autoridadnan competente presenta ya cu e personal di ambulans no por a haci nada mas pa e victima cu no tabata reacciona y a pidi presencia di un dokter unda cu pa 06:50 Dr. Mungra a constata morto di e hoben. Tur autoridad competente a presenta.